LAGAN JENE KHARI LAGI – ANAMOL BHAJAN
લગન જેને ખરી લાગી – સુપરહિટ પ્રાચીન ભજનો
રચનાઃ ગાફિલ
લગન જેને ખરી લાગી,
હ્રદય તેનું જે તે જાણે….. ટેક
હતા અયુબ પયગંબર,
પડ્યા છે તન મંહી કીડા,
જગતને મન તમાસા એ,
હૃદય તેનું જ તે જાણે ….લગન જેને
તજી છે બાદશાહીને,
ફકીરી તુરતમાં લીધી,
બુખારા દેશનો એ શાહ,
હૃદય તેનું જ તે જાણે… લગન જેને
મળ્યા અબ્દુલને અનવર,
પ્યાલી પ્રેમની પીધી ,
કહેવાયા સતારના એ શાહ,
હૃદય તેનું જ તે જાણે….. લગન જેને
કહે ગાફિલ ગુરુ જ્ઞાને,
પ્રીત ની રીત ન્યારી છે,
થયા પ્રભુ પ્રેમીઓ એવા,
હૃદય તેનું જ તે જાણે….. લગન જેને