HU TO NAHI JAYU SASARIYE – GUJARATI BHAJAN SANTVANI PDF
હું તો નહીં જાઉં સાસરીયે – ગુજરાતી ભજન ગીત
રચનાઃ કવિયત્રી ભક્ત શ્રી મીરાબાઇ
હું તો નહિ જાઉં સાસરિયે મોરી માં,
મારુ મન લાગ્યો ફકીરીમાં….. ટેક
એ લાલ પીળા કપડા મુજને ન શોભે,
હું તો ભગવા વસ્ત્ર પેરું મોરી માં…. મારુ મન….
એ હીરા મોતી મુજને ન શોભે,
હું તો તુલસી ની માળા પેરુ મોરી માં……. મારુ મન …..
એ મેવા મીઠાઈ મુજને નવ ભાવે,
હું તો રૂખા સુખા ટુકડા ખાવું મોરી માં….. મારુ મન……
એ બાઈ મીરાં ગાવે પ્રભુ ગિરિધરના ગુણ,
હું તો હેતે હરિના ગુણ ગાઉં મોરી માં…. મારુ મન…..