LIMBUDA ZULE TARA BAG MA – GUJARATI LOK GEET LYRICS
લિંબુડા ઝુલે તારા બાગમાં – ભાતીગળ લોકગીત
ગુજરાતી લોકગીત સંગ્રહ
લીંબુડા ઝૂલે તારા બાગમાં છબીલા લાલ,
લીંબુડા ઝૂલે તારા બાગમાં,
મારો હઠીલો ઝૂલે દરબારમાં છબીલા રાજ,
લીંબુડા ઝૂલે તારા બાગમાં……
ઉતારા દેશું તમને ઓરડા છબીલા રાજ,
દેશું મેડી કેરા મોલ,
તમે કાંબીયુની લાવજો બે બે જોડ વહાલા મારા,
પગ પ્રમાણે દેશું કાંબિયુ છબીલા લાલ,
તમને કડલાની દેશું બે બે જોડ રે ગોરમોર…..
લીંબુડા ઝૂલે તારા બાગમાં……..
ભોજન દેશું તમને લાપસી છબીલા રાજ,
દેશું કઢીયેલ દુધ રે,
તમે નથડીની લાવજો બે બે જોડ વહાલા મારા,
નાક પ્રમાણે દેશું નથડી છબીલા લાલ,
તમને ટીલડીની દેશું બે બે જોડ રે ગોરમોર…..
લીંબુડા ઝૂલે તારા બાગમાં……..
પોઢણ દેશું તમને ઢોલિયાં છબીલા રાજ,
દેશું કનેરી કામ રે,
તમે ગુજરીની લાવજો બે બે જોડ વહાલા મારા,
હાથ પ્રમાણે દેશું ગુજરી છબીલા લાલ,
તમને દેશું હૈયા કેરો હાર રે ગોરમોર…..
લીંબુડા ઝૂલે તારા બાગમાં……..