LOBHI VANIYA RE – DAS SATAR NA BHAJAN SONG
લોભી વાણીયા રે – ગુજરાતી ભજન સંતવાણી
રચનાઃ દાસ સત્તારશા
લોભી વાણીયો રે ભુંડા કરી પસ્તાશે,
સમજુ પ્રાણીયા રે સાચા સંતોષે સુખ થાશે…..ટેક
લોભીનું મન થોભે નહીં આમ તેમ અથડાશે,
સતને ભૂલી લોભમાં ડૂબે નક્કી નરકે જાશે …લોભી વાણીયા રે…
લોભે લાગ્યો જ્ઞાને નવ જાગ્યો તારું તે શું થાશે,
ધાઇ ધુતી ધન ભેગું કીધું ખાનારાઓ ખાશે… લોભી વાણીયા રે….
સત માગર સત સંગત છોડે તારી શી ગતિ થાશે,
લોકો તારા અવગુણ ગાશે માત પિતા લજવાશે….. લોભી વાણીયો રે….
લોભે હણાયો લોભે વણાયો લોભે બુડી જાશે
દાસ સત્તાર કહે કર જોડી નિર્લોભી તરી જાશે…… લોભી વાણીયા રે….