VACHAN VIVEKI SADH SALUNA – PRACHIN BHAJAN SANTVANI
વચન વિવેકી સાધ સલુણા – સંતવાણી જુની
રચનાઃ સંત દાસ દયાનંદ
વચન વિવેકી સાધ સલુણા,
જે ને દેખીને મારા નેણાં ઠરે,
દેખીને મારાં નેણાં ઠરે ,
અમને એવા એવા કોઈ સંત મળે….. ટેક
સુખ ના સાગર અંતર ઉજાગર,
પ્રેમની નેમની પારખ કરે,
ગુરુના શબ્દ સન્મુખ હાલી,
અવિગતની ગતિ અંતર ધરે…. એવા એવા કોઇ સંત મળે…
નુરત નીવેડા દિયો નામના,
સુરત શબ્દને જઈ વરે,
શુન સેજ પર મળે કોઈ સુરા,
આઠે પહોર ત્યાં અમિ ઝરે ….. એવા એવા કોઇ સંત મળે…
નાભિ કમળથી નેડા લાગ્યા,
ત્રિફુટી મહેલ જઇ નુર ભરે,
ઈંગલા પીંગલા ઓર સૂક્ષ્મણા,
હિલ મિલ પિયુને પાયે પડે….. એવા એવા કોઇ સંત મળે…
નાદની જાલરી વાગે નિરંતર,
રાગ છત્રીસ સુર ઝરે,
શ્યામ રાધિકા રાસ રમે ,
દેખી દેવના કારજ સરે….. એવા એવા કોઇ સંત મળે…
ક્રિયાના પુરા નહી અધૂરા,
શુરા થઈને મેદાને ચડે,
દાસ દયાનંદ બ્રહ્માનંદ ચરણે,
ભવસાગરને સહેજે તરે…. એવા એવા કોઇ સંત મળે…