VARAJE MAN VARAJE – DESHI BHAJAN SONG
વારજે મન વારજે – રામગ્રી સંતવાણી ભજન
રચનાઃ રાજ કવિ શ્રી પિંગળશીભાઇ ગઢવી
વારજે મન વારજે વેગ દિલના વારજે,
મૂળથી અભિમાન ત્યાગી,મોહ મમતા મારજે….. ટેક
પ્રભાતે ઉઠીને શ્રી હરિ સંભારજે,
દેહ શુદ્ધિ કરી દિલમાં, વેદ મંત્ર ઉચ્ચારજે ….વારજે મન વારજે
જેમાં ન હોય પાપ જરીએ, એવો ધંધો ધારજે,
બોલીશમાં કદી જૂઠા વચનો, સત્ય વચન ઉચ્ચારજે…. વારજે મન વારજે
સુજ્ઞ જનથી સ્નેહ કરજે ,હઠીલાથી હારજે,
દાન દેજે દુર્બળ દેખી, ઠામ જોઇ ચિત્ત ઠારજે…. વારજે મન વારજે
આશા કરી કોઈ શરણે આવે, એને તું ઉગારજે,
કહે પીંગલ નામ જપજે, આપ વંશ ઉદ્ધારજે….. વારજે મન વારજે