વાલા તારી વાટું રે જુવે – પ્રાચીન જુના ભજન
VALA TARI VATU RE JUVE CHHE – POPULAR GUJARATI BHAJAN
રચનાઃ કવિ શ્રી આલ ભગત
વાલા તારી વાટુ રે જુએ છે વ્રજ કેરી નારી રે,
હે અવતારી વહેલા આવજો રે જી…. ટેક
દેવા કંઈક વાટે બેઠી, હે વગડાને વેઠી,
એ તુને કેદુણી એ ગોતે છે એ ગિરધારી રે…. હે અવતારી વહેલા આવજો
નથી એ નાવા જાતી, નથી ખાવાનું ખાતી,
બેહાલે બનીને બેઠી એ બિચારી રે…. હે અવતારી વહેલા આવજો
હૈયામાંથી હિંમત હારી, પડી છે પથારી,
મુખેથી કહે છે મિલાઓ એ મુરારિ રે….હે અવતારી વહેલા આવજો
આલ કહે જલ્દી આવો, મુખડું બતાવો,
મુરારી તમારો વિયોગ નાખે મારી રે…. હે અવતારી વહેલા આવજો