વિના વિચાર સકલ જગ ભુલે – ભજન સંતવાણી
VINA VICHAR SAKAL JAG BHULE – BEST BHAJAN SANTVANI
રચનાઃ સંત રવિરામ સાહેબ
વિના વિચાર સકલ જગ ભુલે,
જ્ઞાન-વિણ ગુંચવાય રામ માયા મુળે નાઈ…. ટેક
માટી કેરા બન્યા માળિયા,એમાં ચીતર્યો વાઘ ચિતારે,
એવો ભ્રહ્મ દેખીને જીવ ભટક્યો, એજી વાઘ કીસ બીલ ખાય….. રામ માયા મુળે નાઈ
માયા માયા સિદ્ધ સાદ પુકારે, અચરજ એ જ કહાવે,
એવા ભોરિંગ જેવા ચિંથરા ભોય પણ એજી દેખો એ કિસ બિધ ખાય….. રામ માયા મુળે નાઈ
ખેતર બડા હૈ બિન રખવાલા ઓડા ઉભા કીના,
અકલ વિનાના એ ઓડાને ન ઓળખ્યા દેખત હરણાં બિના….. રામ માયા મુળે નાઈ
માયા નીંદર સપના જૈસી બિન ગુરુ ગમ અંધીયારા
કહે રવિરામ ચેતન જબ જાગ્યા હુવા બ્રહ્મ ઉજીયાલા…..રામ માયા મુળે નાઈ