હરિજન આવે હરીગુન ગવાય – દેશી સંતવણી ભજન
HARIJAN AAVO HARIGUN GAVAY – SANTVANI BHAJAN
રચનાઃ દાસ સત્તાર શા
હરિજન આવો હરિ ગુણ ગવાય છે
ભાવે ભજન કરો આયુષ્ય જાય છે….. ટેક
માતપિતા સુત બાંધવ દારા,
અંત સમય કોઈ નહિ થનારા,
ચેત સમજ મન ક્યાં અથડાઇ છે ….ભાવે ભજન કરો
હરિકથા કીર્તન સત્સંગ વિણ,
પાપના પોટલાં બંધાતા નિશદિન,
પરનારી પરધન દેખી લોભાય છે….. ભાવે ભજન કરો,
દાન ધરમ કે દયા નહીં દિલમાં,
શ્રદ્ધા ન રાખે શાસ્ત્ર વચન માં,
ષડરિપુઓના ફંદે ફસાઈ છે…. ભાવે ભજન કરો
સુગરા હોય તે શબ્દ વખાણે,
નુગરા જીવ મતા મતિ તાણે,
દાસ સતાર લેજો શબ્દો લૂંટાય છે….. ભાવે ભજન કરો