KAMAL NAYAN KRUSHNA TUMHAR-SANTVANI BHAJAN
કમલ નયન કૃષ્ણ તુમ્હારી – ભજન સંતવાણી
રચનાઃથાર્યો ભગત
કમલ નયન કૃષ્ણ તુમ્હારી,
કલા અપરમપારી….ટેક
સુરત તારી સ્વામી મારા,
અગુણ સગુણથી ન્યારી,
શેષ શારદા પાર ન પાવે,
શું જાણે સંસારી….કમલ નયન (1)
અઘટિત ઘટના વાટ અટપટી,
હાલે નહીં હોંશિયારી,
મોટ મોટેરા વેદાન્ત વાદી,
હિંમત બેઠા હારી….કમલ નયન (2)
પ્રેમ બિના કોઇ પાર ન પાવે,
ભલે યત્ન કરે હજારી,
જેને જણાવો તે જન જાણે,
માયા મોટી તમારી….કમલ નયન (3)
શરણે આવી શીશ નમાવું,
વિનવું વારી વારી,
થાર્યો કહે પ્રભુ નેક નિહાળો,
શરણાગત સ્વીકારી….કમલ નયન (4)