KAR MAN BHAJAN NO VEPAR – GUJARATI BHAJAN LYRICS
કર મન ભજનનો વેપાર – દેશી સંતવાણી પ્રાચીન ભજન
રચનાઃ દાસી જીવણ
કર મન ભજનનો વેપાર,
ધણી તારા નામનો આધાર,
બેડી ઉતારે ભવપાર,
કર મન ભજનનો વેપાર….કર મન ભજનનો (1)
સરોવર જ્યારે ભર્યા હતાં,
ત્યારે પહેલી ન બાંઘી પાળ,
આગળ નીર સુકાઇ ગયા,
ત્યારે હાથ દીધે શું થાય….કર મન ભજનનો (2)
શેરી લગણ સુંદરી,
ઝાંપા લગી મા-બાપ જી,
તીર્થ સુધી બે બાંધવા,
કોઇ ના આવે તારી સાથ….કર મન ભજનનો (3)
હાડ જલે જેમ લાકડી,
ને કેશ જલે જેમ ઘાસ જી,
કેસર સરખી કાયા જલશે,
લાગે નહીં પલવાર…કર મન ભજનનો (4)
કાયામાં કોણ સુવે,
કોણ જાણે કોણ ચોકીદાર,
સુરતા જાગે નુરતેં ઉંઘે,
અને ચેતન ચોકીદાર….કર મન ભજનનો (5)
હું ને મારું મુકી દેને,
ખોટો છે આ સંસાર,
દાસી જીવણ એણી પેરે બોલ્યા,
પરા મનના કામ…કર મન ભજનનો (6)
કર મન ભજનનો વેપાર,
ધણી તારા નામનો આધાર,
બેડી ઉતારે ભવપાર,
કર મન ભજનનો વેપાર….કર મન ભજનનો
HU TO AAPADA ONE SADA – GAZAL SONG
SANTVANI DHAM,GUJARATI BHAJAN LYRICS ,ભજન સંતવાણી,સુપરહિટ ગુજરાતી ભજન