KAHE JO SANDESHO ODHA SHYAM NE….. SANTVANI BHAJAN
કહેજો રે સંદેશો ઓધા શ્યામને – સંતવાણી દેશી ભજન
રચનાઃ ભક્ત મોરાર
કહેજો રે સંદેશો ઓધા શ્યામને,
અમને તમારો આધાર રે,
નિરખ્યા વિના મારા નાથજી,
સૂનો લાગે છે સંસાર રે….કહેજો રે સંદેશો (1)
દિન દિન દુઃખડા મને અતિ ઘણાં,
જોબન વહ્યો વહ્યો જાય રે,
ગોવિંદ વિના ઘેલી ગોપીયું,
અગ્નિ કેમ ઓલાય રે…કહેજો રે સંદેશો (2)
ઋતુ પલટીને વન મોરીયાં,
બોલે બપૈયા રુડાં મોર રે,
પિયુ પિયુ શબ્દ સોહામણા,
ચિત્તડું ન રીયે ઠોર રે..કહેજો રે સંદેશો (3)
જીવન ઓધાજી મારું જે થકી,
અળગા કેમ રહેવાય રે,
જલ વછોઇ જેમ માછલી,
જલમાં રહે સુખ થાય રે…કહેજો રે સંદેશો (4)
બળેલને શું બાળીએ,
કૃષ્ણ વિચારો મન માંય રે,
દરદીને દુઃખડાં દઇશ માં,
દરદ સહ્યું નવ જાય રે…કહેજો રે સંદેશો (5)
આ રે સંદેશો વ્રજનારનો,
વાંચીને કરજો વિચાર રે,
દર્શન દેજો રે ‘મોરાર’ ને,
સંદેસો સમજી લેજો સાર રે…કહેજો રે સંદેશો (6)
કહેજો રે સંદેશો ઓધા શ્યામને,
અમને તમારો આધાર રે,
નિરખ્યા વિના મારા નાથજી,
સૂનો લાગે છે સંસાર રે….કહેજો રે સંદેશો
SANT TRIKAMDAS NI SAKHI – SANTVANI SAKHI
DOWNLOAD GUJARATI BHAJAN,SANTVANI DHAM