આપણી કમાયું આપણે જાળવો – દેશી સંતવાણી ભજન
APANI KAMAYU APANE JALAVO – GUJARATI BHAJAN LYRICS
રચનાઃ દાસ બળદેવ
આપણી કમાયુ આપણી જાળવો,
નુગરા ભલેને લૂંટાય વીરા મારા રે…. ટેક
રેણીના રખોપે રે ધરમ શીર ધરાવો,
કરણીથી સુધરી લેજો કાજ વીરા મારા રે….
વાતો રે કરે વડા નહીં નીપજે,
માથે છે મરણ કેરી ઘાત વીરા મારા રે…..
નર રે અધૂરાથી આરત નવ કીજીએ,
એ તો તનમાં ઉપજાવે તાપ વીરા મારા રે….
પામર થી પ્રિતુરે કદી નવ કીજીએ,
સમજીને રહીએ ત્યાંથી છેટા વીરા મારા રે…
સાચાથી સ્નેહ એ તો સુખ સાયબી,
ત્યાં અરસ પરસ દિલ દઈએ વીરા મારા રે…
દાસ રે બળદેવ એમ દાખવે,
રાખજો ગુરુ ચરણમાં ચિત વીરા મારા રે…..