BHAJAN LYRICS IN GUJARATI
BHAJAN:197
DHAN GURU DEVA MARA….
ગુજરાતી ભજન
સંતવાણી ભજનોની સરવાણી
ધન ગુરૂ દેવા મારા …..
ધનગુરૂ દેવા મારા ધનગુરૂ દાતા ને,
સદગુરૂએ શબદ સુનાયો રે,
ગુરૂજીનો મહિમા પલ પલ વખાંણું ને,
પડનામ પ્રાયશ્ચિત સઘળાં જાય…ટેક….(1)
સુતો રે જગાડ્યો ગુરૂએ દેશ રે દેખાડ્યો,
અલખ પુરૂષ ઓળખાયો ,
બુડતો હતો તે મારા ગુરૂજીએ તાર્યો,
અમને જમડાનાં હાથેથી છોડાવ્યો,
ધનગુરૂ દેવા મારા ધનગુરૂ દાતા ને…..(2)
ખાલ રે પડાવું મારા શરીર તણી,
ઉપર સોનેરી રંગ ચડાવું,
મોજડી સીવડાવી મારા ગુરૂને પહેરાવું,
તોય ગુણ ઓસીગણ કેમ થાવું,
ધનગુરૂ દેવા મારા ધનગુરૂ દાતા ને….(3)
ગૌ દાન દિયે ભલે ભુમિદાન દિયે,
કાયા કંચન મોલ લુંટાવે,
કાશીક્ષેત્રમાં કન્યાદાન દિયે,
તોય ન આવે ગુરૂજીનાં તોલે,
ધનગુરૂ દેવા મારા ધનગુરૂ દાતા ને….(4)
સદગુરૂ મળિયા મારા ફેરા ટળિયાને,
લખ ચોર્યાસી માંથી છોડાયા,
વાઘનાથ ચરણે બોલ્યા રૂખડીયો,
વેલો મુક્તિનો મારગ બતાવે ,
ધનગુરૂ દેવા મારા ધનગુરૂ દાતા ને….(5)
SANTVANI DHAM,BHAJAN SANTVANI,ગુજરાતી ભજનો,સંતવાણી ધામ