GUJARATI BHAJAN LYRICS – ASHA KARU CHHU APANI…
ભજન સંતવાણી-આશા કરું છું આપની……
રચનાઃ નારાયણ સ્વામી
GUJARATI BHAJAN LYRICS – ASHA KARU CHHU APANI…આ ભજનની રચના સંતવાણીના આરાધક શ્રી નારાયણ સ્વામી બાપુએ કરી છે,જેમાં સંત શિરોમણી બજરંગદાસ બાપાને વિંનતી કરતું આ એક ભજન છે.આ ભજનમાં બજરંગદાસ બાપાનાં વ્યક્તિત્વને આપણી સામે લાવવાનું કામ કર્યું છે.
આ ભજનને અહીંથી સાંભળો.
સ્વરઃ નારાયણ સ્વામી
આશા કરું છું આપની,અન્ય કોઇ ઇચ્છા નહીં,
કળી કાળમાં કૃપા વિના,મુક્તિ મળે નહીં…આશા કરું છું (1)
શરણે ગયા જે સેવકો,એને ઉગારતાં,
ષડરિપુ જો સતાવે તો, એને મારતાં,
બગદાણામાં બિરાજતાં, બીજે મળે નહીં…આશા કરું છું (2)
મેરૂ સમ મહાન જે,ધીરજ ધરી રહ્યાં,
ઇચ્છાઓને અળગી કરી,બ્રહ્મમાં ભળી ગયાં,
મદ મોહ કામ ક્રોધથી,કદીયે ડરે નહીં…આશા કરું છું (3)
વાતો વચન વિવેકની,મુખથી કરે ઘણાં,
વર્તનમાં એકે નહીં,તો વાણી થઇ ફનાં,
બાપા એ બૃદ્ધિ આપજો,જે કોઇને નડે નહીં…આશા કરું છું (4)
પ્રથમ પ્રભુનું નામ જે, વિશ્વે વિચારીએ,
બાપા કહે સૌ પ્રથમ,એને સંભારીયે,
દુઃખ દર્દ એના નામથી,નડતર કરે નહીં…આશા કરું છું (5)
ચતુરાઇ હવે શું કરૂં,કવિતા કરી નથી,
અંતરથી ઉપજાવીને,આપી છે શુભ મતિ,
મારી વૃત્તિ તુજ ચરણથી,પાછી ફરે નહીં….આશા કરું છું (6)
સત સેવાને સત્સંગથી,સુધરે ઘણાં અંહી,
નારાયણ નિત જપ્યા થકી,જીવ પામે શુભ મતિ,
બજરંગ વાલા રામને,સંશય જરી નહીં….આશા કરું છું (7)
આશા કરું છું આપની,અન્ય કોઇ ઇચ્છા નહીં,
કળી કાળમાં કૃપા વિના,મુક્તિ મળે નહીં…આશા કરું છું
આ ભજનની MP3 FILE અંહીથી ડાઉનલૉડ કરો.
SANTVANI DHAM,BHAJAN GUJARATI LYRICS
MERA KHALAKA BHARI DE – મેરા ખલકા ભરી દે