એક તમારે આશરે આયલ રહીએ – માતાજીનું ભજન
EK TAMARE ASHARE AYAL RAHIYE – MATAJI NU BHAJAN
રચનાઃ કવિ આલ
એક તમારે આશરે આયલ રહીએ દિ ને રાત,
સંભાળ લેવા તું આવ ને સોનલ મઢવાળી માત…. ટેક
મોણીયા વાળી માત તું નાગલ દેવી દિન દયાળ,
નેણ ખોલી તોળી વાટ નિહાળે બાઈ તમારા બાળ…. એક તમારે
બુટભવાની બાઈ તું બલ્લાડ દેતી નથી કેમ દાદ,
બહુચરાજી તુને રોજ બોલાવવા સાંભળ અમારો સાદ…. એક તમારે
ચોરાડ કુળની દેવ તું ચાપલ સંભારી તારો સ્વભાવ,
કાન ઝાલવા મોટા કેસરી સિંહના આળસ મેલીને આવ….. એક તમારે
ખબરું લેવા આવજે ખોડલ જપીએ તારા જાપ,
‘આલ’ કવિની અરજી માની આવડ પધારો આપ…… એક તમારે