જાગો મારા જુના જુના યોગી – ગુજરાતની સંતવાણી
JAGO MARA JUNA JUNA JOGI – PRACHIN SANTVANI BHAJAN
રચનાઃ કતિબ શા
આ પંથ કોણે રે બતાવ્યો રાહોર માલા,
જાગો મારા જુના જુના યોગી….ટેક
સોના કેરી નગરી માલદે,
રૂપા કેરા કાંગરા,
એને કાંટાની વાડ ન હોય,
રાહોર માલા….. જાગો મારા જુના
ઘરે ઘોડા હોય ને,
પગપાળા નવ હાલીયે રે,
એવા સંતને ઘોડે ચડી આવો,
રાહોર માલા…. જાગો મારા જુના
સાધુડા ના ઘરમાં, ચોરી ન કરીએ રે,
જોઈતી વસ્તુ વોરી લઈએ,
રાહોર માલા…. જાગો મારા જુના
પારકા રે રૂપ જોઈ માલદે,
મન ન ડગાવીએ રે,
એને બહેની કહીને બોલાવો,
રાહોર માલા… જાગો મારા જુના
કહે રે કતીબ શા સુનો રાહોર માલા,
તમે રૂપાદે ના કહ્યા હવે માનો,
રાહોર માલા…. જાગો મારા જુના