MERU TO DAGE JENA MANADA-SANTVANI BHAJAN
મેરુ તો ડગે જેનાં મનડાં…..MERU TO DAGE JENA
નારાયણ સ્વામીનાં સ્વરમાં આ ભજન સાંભળો….
મેરી તો ડગે પણ જેના મન નવ ડગે પાનબાઇ,
ભાંગી પડે ભલે બ્રહ્માંડ,
વિપત્તિ પડે તોય વણસે નહીં,
સોઇ હરિજનનાં પરમાણ …..ટેક
ચિત્તની વૃત્તિ જેની સદાય નિર્મળ,
ને કોઇની કરે નહીં આશ,
દાન દેવે પણ રહેવે અજાચી,
રાખે વચનમાં વિશ્વાસ….મેરૂ તો ડગે (1)
હરખને શોકની જેને ન આવે હેડકી,
આઠે પહોર આનંદ,
નિત્ય ઝૂલે સત્સંગમાં,
ને તોડે રે માયા કેરા ફંદ….મેરૂ તો ડગે (2)
તન મન ધન જેણે ગુરૂજીમે અરપ્યાં,
નામ નિજારી નરને નાર,
એકાંતે બેસી અલખને આરાધે,
પ્રભુજી પધારે એને દ્વાર…..મેરૂ તો ડગે (3)
સંગતું કરો તો તમે એવાની કરજો,
ભજનમાં રહેવે ભરપૂર,
ગંગાસતી એમ બોલિયા,
જેના નયને વરસે ઝાઝા નૂર….મેરૂ તો ડગે (4)
મેરી તો ડગે પણ જેના મન નવ ડગે પાનબાઇ,
ભાંગી પડે ભલે બ્રહ્માંડ,
વિપત્તિ પડે તોય વણસે નહીં,
સોઇ હરિજનનાં પરમાણ ….
અહિંથી આ ભજન ડાઉનલૉડ કરો…