અજરા કાંય જરીયા ન જાય – સંતવાણીની સંગાથે
AJARA KANY JARIYA NA JAY – GUJARATI BHAJAN SONG
રચનાઃ પ્રહલાદજી
અજરા કાંય જરીયા ન જાય
સંતો ભાઈ અજરા, કાંય જરીયા ન જાય
થોડે રે થોડે સંતો સાધ પીઓ હો જી… ટેક.
કળીયુગ કાંટા કેરી વાડ,
સંતો ભાઈ એવા ધીમે રે ધીમે,
સંતો પાંવ ધરો હો જી…અજરા કાંય જરીયા ન જાય…
ચડવું કાંઇ મેરુ આસમાન,
સંતો ભાઈ એવા આડા રે અવળા,
એમાં વાંક ઘણા હો જી….અજરા કાંય જરીયા ન જાય…
શીલ બરછી બાંધો ને હથિયાર,
સંતો ભાઈએવા માંયલાથી રે તમે,
યુદ્ધ કરો હો જી …….અજરા કાંય જરીયા ન જાય…
બોલ્યા બોલ્યા રાય રે પ્રહલાદ,
સંતો ભાઈએવા અજંપા ના રે તમે,
જાપ જપો હો જી…..અજરા કાંય જરીયા ન જાય…