SATGURU TAME MARA TARANHAR- BHAJAN – SANTVANI GUJARATI
સતગુરૂ તમે મારા તારણહાર – સંતવાણી ભજન
રચનાઃડુંગરપુરી
આ ભજનને અંહીથી સાંભળો.
સ્વરઃ લલિતાબેન ઘોડાદ્રા
સતગુરુ ! તમે મારા તારણહાર‚
હરિ ગુરુ ! તારણહાર
આજ મારી રાંકની અરજું રે‚
પાવન ધણી સાંભળજો ગુરુજી એ… હો… જી…
કેળે રે કાંટાનો હંસલા ! સંગ કર્યો ગુરુજી !
કાંટા કેળું ને ખાય .. કાંટા કેળું ને ખાય ..
આજ મારી રાંકની અરજું રે‚
પાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….
આડા રે ડુંગર ને વચમાં વન ઘણા ગુરુજી !
એ જી રે આડી કાંટા કેરી વાડ .. આડી કાંટા કેરી વાડ ..
આજ મારી રાંકની અરજું રે‚
પાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….ઊંડા રે સાયર ને હંસલા ! નીર ઘણાં ગુરુજી !
એ જી બેડી મારી કેમ કરી ઊતરે પાર ?
આજ મારી રાંકની અરજું રે‚
પાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….
ગુરુના પ્રતાપે ડુંગરપુરી બોલીયા ગુરુજી !
એ જી દેજો અમને સાધુ ચરણે વાસ
આજ મારી રાંકની અરજું રે‚
પાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….
આ ભજનની MP3 FILE અંહીથી ડાઉનલૉડ કરો.
સંતવાણી ભજન,દેશી ભજન,સંતવાણી,SANTVANI DHAM,GUJARATI BHAJAN LYRICS
APARAM PAR PRABHU – અપરમ પાર પ્રભુ અવગુણ