SANTVANI – GUJARATI BHAJAN GEET
GUJARATI BHAJAN LYRICS
HE..KARUNA NA KARNARA..
આ ભજનને અંહીંથી સાંભળો …
સત્ સંગ્રામે રહ્યા પગ ખોડી – સંતવાણી ધામ ભજન
ભજન-42-હે..કરૂણાનાં કરનારા…..
હે કરુણાના કરનારા, તારી કરુણાનો કોઈ પાર નથી,
હે સંકટના હરનારા, તારી કરુણાનો કોઈ પાર નથી.
મેં પાપ કર્યાં છે એવાં હું તો ભૂલ્યો તારી સેવા,
મારી ભૂલોને ભૂલનારા, તારી કરુણાનો કોઈ પાર નથી.
હું અંતરમાં થઈ રાજી , ખેલ્યો છું અવળી બાજી,
અવળીને સવળી કરનારા, તારી કરુણાનો કોઈ પાર નથી.
હે પરમ કૃપાળુ વ્હાલા, મેં પીધાં વિષના પ્યાલા,
વિષને અમૃત કરનારા, તારી કરુણાનો કોઈ પાર નથી.
ભલે છોરું કછોરું થાયે , પણ તું તો માવતર કહેવાયે,
મીઠી છાયાના દેનારા, તારી કરુણાનો કોઈ પાર નથી.
મને જડતો નથી કિનારો, મારો ક્યાંથી આવે આરો,
મારી નાવના ખેવનહારા, તારી કરુણાનો કોઈ પાર નથી.
છે ભક્તનું દિલ ઉદાસી , તું ચરણે લે અવિનાશી
મારા દિલમાં હે રમનારા, તારી કરુણાનો કોઈ પાર નથી.
આ ભજનને અંહીથી ડાઉનલૉડ કરો.
વિરપુર જાવું કે સત્તાધાર જાવું – સંતવાણી ધામ