GUJARATI RAS LYRICS
GUJARATI RAS:04
SHERI VALAVI SAJ KARU GHARE AAVO NE….
ગુજરાતી રાસ ગીત
કૃષ્ણ રાસલીલાનો સુંદર રાસ
શેરી વળાવી સજ કરૂ ઘરે આવોને…..
શેરી વળાવી સજ કરું ઘરે આવોને,
આંગણીયે પથરાવું ફુલ,મારે ઘેર આવોને,
શેરી વળાવી સજ કરું ઘરે આવોને……(1)
ઉતારા દેશું ઓરડા હરી આવોને,
તમને દેશું મેડીનાં મોલ, હરી ઘેર આવોને,
શેરી વળાવી સજ કરું ઘરે આવોને….(2)
દાતણ દેશું દાડમી હરી આવોને,
તમને દેશું કણેરી કામ,હરી ઘેર આવોને,
શેરી વળાવી સજ કરું ઘરે આવોને…(3)
નાવણ દેશું કૂંડીયું હરી આવોને,
તમને દેશું જમનાના નીર,હરી ઘેર આવોને,
શેરી વળાવી સજ કરું ઘરે આવોને…(4)
ભોજન દેશું ભાવતાં ઘરે આવોને,
તમને દેશું કઢીયલ દુધ,હરી ઘેર આવોને,
શેરી વળાવી સજ કરું ઘરે આવોને…(5)
પોઢણ દેશું ઢોલીયા ઘરે આવોને,
તમને દેશું હિંડોળા ખાટ,હરી ઘેર આવોને,
શેરી વળાવી સજ કરું ઘરે આવોને…(6)
નરસિંહ મહેતાના સ્વામી શામળા ઘરે આવોને,
અમને તેડી રમાડ્યાં રાસ,હરી ઘેર આવોને,
શેરી વળાવી સજ કરું ઘરે આવોને…(7)
શેરી વળાવી સજ કરું ઘરે આવોને,
આંગણીયે પથરાવું ફુલ,મારે ઘેર આવોને,
શેરી વળાવી સજ કરું ઘરે આવોને……
NARSINH MAHETA RACHIL KRISHNA RAS,SANTVANI DHAM,ગુજરાતી રાસ ,નરસિંહ મહેતા રચિત શ્રીકૃષ્ણ રાસ