SATSANG KIRATN
KIRTAN:23
AJE SAUNE JAY SHREE KRUSHNA…
કિર્તન ભજન
સત્સંગ કિર્તનમાં છેલ્લે ગવાતું કિર્તન
આજે સૌને જયશ્રી કૃષ્ણ……
આજે સૌને જયશ્રી કૃષ્ણ,કાલે વેલા આવજો,
હરીગુણ ગાવા હરીરસ પીવા,આવે તેને લાવજો.
મનમંદિરના ખુણે ખુણેથી,કચરો કાઢી નાખજો,
અખંડ પ્રેમ તણી જયોતિને કાયમ જલતી રાખજો.
વ્યવહારે તો પુરા રહીને,પરમાર્થમાં રાચજો,
સઘળી ફરજો અદા કરીને,સત્સંગ માંહી બેસજો.
હરતા ફરતા કામો કરતાં,હૈયે હરીને રાખજો,
માન બડાઇ છેટા મેલી,ઇર્ષા કાઢી નાખજો.
હૈયે હૈયાં ખુબ મિલાવી,હરીનું નામ દિપાવજો,
ભક્તિ કેરા અમૃત પીને,બીજાને પીવડાવજો.
સૌ માં એક જ પ્રભુ બિરાજે,સમજી પ્રિતી બાંધજો,
શંકરની શીખ હૈયે ધારી,હરીથી સુરતા સાધજો.
આજે સૌને જયશ્રી કૃષ્ણ,કાલે વેલા આવજો,
હરીગુણ ગાવા હરીરસ પીવા,આવે તેને લાવજો.
SANTVANI KIRTAN SONG,GUJARATI KIRTAN