PRACHIN RAS
RAS – NARSINH MAHETA RACHIT
AME MAHIYARA RE GOKUL GAM NA….
ગુજરાતનાં પ્રખ્યાત રાસ
રાસ-ગરબા ગુજરાતની સંસ્કૃતિ
અમે મહિયારા રે ગોકુળ ગામના….
અમે મહિયારા રે ગોકુળ ગામ નાં,
મારે મહિ વેચવાને જાવા,
મહિયારા રે ગોકુળ ગામ નાં….
મથુરાની વાટે મહી વેચવાને નિસરી,
નટખટએ નંદકિશોર માંગે છે દાણજી,
મારે દાણ લેવાને દેવા,
મહિયારા રે ગોકુળ ગામ નાં….
માવડી જશોદાજી કાનજીને વારો,
દુઃખડા દીએ હજાર નંદજીનો લાલો,
મારે દુઃખ સહેવાને કહેવા,
મહિયારા રે ગોકુળ ગામ નાં….
જમુનાને તીરે કાનો વાંસળી વગાડે,
ભૂલવે સાન ભાન ઊંધથી જગાડે,
મારે રાસ જોવાને જાવું ,
મહિયારા રે ગોકુળ ગામ નાં….
નરસિંહનો નંદકિશોર લાડકડો કાનજી,
ઉતારે આરપાર ભવભવનો ભારજી,
નિર્મળ હૈયાની વાત કહેવા,
મહિયારા રે ગોકુળ ગામ નાં….
અમે મહિયારા રે ગોકુળ ગામ નાં,
મારે મહિ વેચવાને જાવા,
મહિયારા રે ગોકુળ ગામ નાં….
SANTVANI DHAM ,GUJARATI RAS LYRICS