AARATI KARU MARA HARI GURU SANT –  SANTVANI BHAJAN

---

ભજન સંતવાણી- આરતી કરૂ મારા હરી ગુરૂ સંત….

રચનાઃ અખા ભગત

---

CLICK TO DOWNLOAD MP3

---

આરતી કરૂ મારા હરી ગુરૂ સંત,

છોડાવ્યા સર્વે ફંદ,ચોર્યાસીનાં બંધ

હરી ગુરૂ દેવની આરતી રે…(1)

---

 આરતી ઉતારી લઉં વારણાં,

ધરૂ ચરણ કમળમાં ધ્યાન,

સદગુરૂને શિષ સોંપતા  મારું,

ટળી ગયું દેહ અભિમાન.

હરી ગુરૂ દેવની આરતી રે…(2)

---

 સદગુરૂની શોભાને શું કહું,

મુખથી વર્ણવી ન જાય,

હરી હર બ્રહ્મા જેની સ્તુતિ કરે,

એના વેદ વિમળ જશ ગાય.

હરી ગુરૂ દેવની આરતી રે..(3)

---

 સદગુરૂએ મને શાનમાં,

સમજાવી સઘળી રીત,

જાગૃત સ્વપ્ન સુશુપ્તિ,

મને ભાસ્યું છે,તુરીયા તીત.

હરી ગુરૂ દેવની આરતી રે…(4)

---

 મન ભાવે ગુરુએ મેર કરી,

આપ્યા સુખ અપાર,

અંતરના ચક્ષુ ઉઘાડ્યા,

મને ભાસ્યું છે બ્રહ્મ મય આકાર.

હરી ગુરૂ દેવની આરતી રે..(5)

---

 સુરતા મારી શૂન્ય થઇ,

વરતી પામી વિશ્રામ,

જનમ મરણના રોગ મટ્યા,

હું તો પામી પદ નિરવાણ.

હરી ગુરૂ દેવની આરતી રે..(6)

---

 અખે પદ અવલોકિયું ,

ઇ મારા સદગુરૂની શોધ,

અંતરયામી પોતે આત્મા વાલો,

મારો વિલસ્યા છે પોતાની મોજ.

હરી ગુરૂ દેવની આરતી રે..(7)

---

 આરતી કરૂ મારા હરી ગુરૂ સંત,

છોડાવ્યા સર્વે ફંદ,ચોર્યાસીનાં બંધ

હરી ગુરૂ દેવની આરતી રે…

---