ACHAL VACHAN KOI DI CHALE NAHI – SANTVANI BHAJAN IN GUJARATI

---

અચળ વચન કોઇ દિ ચળે નહિ….. -ગુજરાતી ભજન સંતવાણી

રચનાઃ ભક્ત કવિયત્રી ગંગાસતી

---

CLICK TO DOWNLOAD MP3

---

અચળ વચન કોઇ દિ ચળે નહિ, 

તે તો અહોનિશ ગાળે ભલે વનમાંય,

સદગુરૂ સાનમાં પરિપૂરણ સમજીયાં,

તેને અહંભાવ આવે નહીં મનમાય ….ટેક

---

 શરીર પડે પણ વચન ચૂકે નહીં,

ગુરૂજીનાં વેચ્યાં તે તો વેચાય,

બ્રહ્માદિક આવીને મર ને લિયે પરીક્ષા,

પણ બીજો બોધ નો ઠેરાય…અચળ વચન..(1)

---

 મરજીવા થઇને કાયમ રમવું પાનબાઇ,

વચમ પાળવું સાંગો પાંગ,

ત્રિવિધિનાં તાપમાં જગત બળે છે,

તેનો નહિ લાગે તમને ડાઘ….અચળ વચન…(2)

---

 જીવન મુક્તિની દશા પ્રગટશે,

હાની ને લાભ મટી જાય,

આશાને તૃષ્ણા એકે નહિ ઉરમાં,

પૂરણ નિજારી ઇ કહેવાય…અચળ વચન..(3)

---

 દ્રઢતા રાખો તો એવી રીતે રાખજો,

જેથી રીઝે નકળંગ રાય ,

ગંગાસતી એમ બોલીયા,

તેને નહી નાયા કેરી છાંય…અચળ વચન..(4)

---

અચળ વચન કોઇ દિ ચળે નહિ, 

તે તો અહોનિશ ગાળે ભલે વનમાંય,

સદગુરૂ સાનમાં પરિપૂરણ સમજીયાં,

તેને અહંભાવ આવે નહીં મનમાય ….

---

વાદળી આકાશમાં આવી – દેશી ભજન સંતવાણી

---

GANGASATI NA BHAJAN,SANTVANI DHAM

---