ભુલાતી નથી એ સુખી જિંદગી ને,
હમેંશા હતી જ્યાં ખુશી જિંદગીને….ટેક
સુખી જિંદગી બાળપણમાં ગુજારી,
જુવાનીએ કિધી દુઃખી જિંદગીને….હંમેશા હતી (1)
ચડી ષડરિપુને ફંદે જવાની,
બગાડે ઉમંગો ભરી જિંદગીને…..હંમેશા હતી (2)
મળે વૃદ્ધપણું ત્યારે પસ્તાવો થાયે,
દુઃખોમાં ગુજારે રડી જિંદગીને….હંમેશા હતી (3)
આ અવનિમાં ઉત્તમ મનુષ્ય દેહ પામી,
કુમાર્ગે ચડી વેડફી જિંદગી ને ….હંમેશા હતી (4)
કહે જીવ અજ્ઞાનમાં ભાન ભુલી,
હજી હું સમજતો નથી જિંદગી ને……હંમેશા હતી (5)
વિચારીને જો જિંદગી બંદગી છે,
મુરખ તું સમજતો નથી જિંદગી ને…હંમેશા હતી (6)
તું કર સંત સમાગમ તો જીવન સુધરશે,
દુઆઓ મળે છે ભલી જિંદગીને ….હંમેશા હતી (7)
કીધો બોધ સતાર શાહ સદગુરૂએ,
કૃપા મુજ પ્રભુની મળી જિદંગીને …હંમેશા હતી (8)
ભુલાતી નથી એ સુખી જિંદગી ને,
હમેંશા હતી જ્યાં ખુશી જિંદગીને….
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…