DULA BHAYA KAG NU BHAJAN
BHAJAN:180
EJI TARA AANGNIYA PUCHI NE JE KOI…
દુલા ભાયા કાગનું ભજન
સંતવાણી ભજન
એ જી તારા આંગણિયા પુછીને જે કોઇ….
એ જી તારા આંગણીયા પુછીને જે કોઇ આવે રે,
આવકારો મીઠો આપજે રે હો…જી….
એ જી તારા કાને રે એ સંકટ કોઇ સંભળાવે રે,
બને તો થોડું કાપજે રે હો…જી…(1)
માનવી પાસે કોઇ માનવી ન આવે રે,
એ જી તારા દિવસો જોઇની ,દુઃખિયા આવે રે…આવકારો…(2)
કેમ તમે આવ્યા છો એમ નવ કે જે રે,
એ જી એને ધીરે ધીરે તું બોલવા દે જે રે…આવકારો…(3)
વાત એની સાંભળીને આડું નવ જો જે રે,
એ જી એને માથું રે હલાવી હોંકારો તું દેજે રે…આવકારો…(4)
‘કાગ’ એને પાણી પાજે , સાથે બેસી ખાજે રે,
એ જી એને ઝાંપા રે,એ સુધી તું મેલવાને જાજે રે…આવકારો…(5)
એ જી તારા આંગણીયા પુછીને જે કોઇ આવે રે,
આવકારો મીઠો આપજે રે હો…જી….
એ જી તારા કાને રે એ સંકટ કોઇ સંભળાવે રે,
બને તો થોડું કાપજે રે હો…જી…
SANTVANI DHAM,BHAJAN LYRICS IN GUJARATI,ભજન સંતવાણી ગુજરાતી ,કાગવાણીના ભજનો