GANESH VANDANA -જમા જાગરણ કુંભ સ્થાપાયો

જમા જાગરણ કુંભ સ્થાપાયો મળ્યા જતીને સતી,

ગરવા પાટે પધારો ગણપતિ …..

નિજીયા પંથી મંડપ રોપ્યો,

ધરમની ધજા ફરકતી,

ગત ગંગા આરાધે દાતા,

નર નારી એક મતિ ,

ગરવા પાટે પધારો ગણપતિ …..

વેદ ભણતા બ્રહ્માજી આવ્યાં,

સંગે માતા સરસ્વતિ,

કૈલાસથી ભોળાનાથ પધાર્યા,

સંગે પાર્વતી સતી ,

ગરવા પાટે પધારો ગણપતિ …..

તેત્રિસ કોટી દેવતા આવ્યા,

આવ્યા લક્ષ્મી પતિ,

બાવન વીરને ચોસઠ જોગણી,

આવ્યા હનુમો જતી,

ગરવા પાટે પધારો ગણપતિ …..

નવનાથને સિદ્ધ ચોર્યાસી,

આલવ્યાં ગોરક્ષ જતી,

પોકરણ ગઢથી પીર રામદે પધાર્યા

બાર બીજના પતિ,

ગરવા પાટે પધારો ગણપતિ ……

કેશવ તમને વિનવે સ્વામી,

મંગળ કરો મુરતી,

ધુપ દિપને ઝળહળ જ્યોતી,

ઉતારું તમારી આરતી ,

ગરવા પાટે પધારો ગણપતિ….

SANTVANI BHAJAN LYRICS -સબસે ઊંચી પ્રેમ સગાઇ