GHADVAIYA MARE THAKORJI- ઘડવૈયા મારે ઠાકોરજી
GHADVAIYA MARE THAKORAJI NATHI THAVU…..
શુરવીરોને અંજલી આપતું ભજન-ગુજરાતી સંતવાણીની ઝલક
GHADVAIYA MARE –ઘડવૈયા મારે ઠાકોરજી નથી થાવું……
CLICK TO – KAVI KAG NA DOHA – કાગ બાપુનાં દુહાઓ
ઘડ ધિંગાણે જેના માથા મશાણે એવા,
પાળિયા થઇને પુજાવું રે,
ઘડવૈયા મારે ઠાકોરજી નથી થાવું…..
હોમ હવન કે જગન જાપથી,
મારે નથી પધરાવું,
બેટડે બાપનાં મોઢા ન ભાળ્યાં એવાં,
કુમળા હાથે ખોડાવું રે….
ઘડવૈયા મારે ઠાકોરજી નથી થાવું…..
પીળા પિતાબંરને ઝરકશી જામા એવાં,
વાઘામાં નથી વીંટળાવું,
કાઢ્યા તા રંગ જેણે ઝાઝા ધીંગાણે એવા,
સિંદુરે ચોપડાઇ જાવું રે….
ઘડવૈયા મારે ઠાકોરજી નથી થાવું…..
ગોમતીજી કે ભાઇ જમનાજીના એવા,
નીર ગંગામાં નથી નાવું,
નમતી સાંજે કોઇ નમણી વિજોગણના,
ઉના આંસુડે મારે નાવું રે….
ઘડવૈયા મારે ઠાકોરજી નથી થાવું…..
બીડ્યા મંદિરીયામાં બેસવું નથી મારે,
વન વગડામાં જાવું,
શુરા શહિદોની સંગાથમાં મારે,
પાળિયા થઇને પૂજાવું રે….
ઘડવૈયા મારે ઠાકોરજી નથી થાવું…..
કપટી જગના કુડા રે રાગમાં,
ફોગટ નથી રે ફુલાવું,
મદડાં બોલે એવા સિંધુંડા રાગથી,
શુરાપુરા થઇને સરજાવું રે….
ઘડવૈયા મારે ઠાકોરજી નથી થાવું…..
મોહ ઉપજાવે એવી મુરતીયુંમાં મારે,
ચિતારા નથી ચિતરાવું,
રંગ કસુંબીના ઘૂંટ્યા રૂદામાં હવે,
દાદલ ઝાઝું શું રંગાવું રે….
ઘડવૈયા મારે ઠાકોરજી નથી થાવું…..
SANTVANI BHAJAN LYRICS,BHAJAN NI DUNIYA,કવિ દાદની રચના
