GUJARATI BHAJAN LYRICS
CHARAJ BHAJAN-132
RAVRAY MA NO CHHAND
ભજન-ચરજ
રવરાય મા નો છંદ….
તું હાલ્યને ઝટ હોય ત્યાંથી,કહું છું ઉગતા દને,
વાટું નિહાળે વાવડે મા, તલખતાં છોરું તને,
ઊભી ન રહેજે એક ઘડીયે,ધાબળી લઇ ધોડજે,
રવરાય લાજું રાખવા,અણ વખત વહેલી આવજે….(1)
ભુલાં પડ્યાં ભવસાગરે મા, ગળા લગ ડૂબી ગયાં,
છેટાં પડ્યાં તું થી જનેતા,આંખથી અણદીઠ થયાં,
લાંબા કરી કર લોબડી,તત ક્ષણ બધાંને તારજે,
રવરાય લાજું રાખવા,અણ વખત વહેલી આવજે…..(2)
તું સોડ્ય તાણીને સૂઇ ગઇ કે, ઘેનમાં ઘેરાય ગઇ,
પાપણ ચડ્યાં કંઇ પડળ કે,માં ગઢપણે લેવાય ગઇ,
તોય લાકડી ટેકો લઇ, ઉતાવળી ઝટ આવજે,
રવરાય લાજું રાખવા,અણ વખત વહેલી આવજે…..(3)
જે આંગણા જોવા ન તાં,ત્યાં જાચવા જાવું પડ્યું,
જે કર્મ નહોતું પૂર્વજોનું, તોય હા કરવું પડ્યું,
અકર્મ અને અવિચાર માંથી,માવડી મૂકાવજે,
રવરાય લાજું રાખવા,અણ વખત વહેલી આવજે…..(4)
તાર લાગ્યો તુજથી એ, કદીએ નવ તૂટજો,
સાગર ભલે સોષાય,ઝરણાં-પ્રેમના નવ ખૂટજો,
કહે ‘દાદ’ છોરું માતાનાં છે, સબંધ તે સંભારજો,
રવરાય લાજું રાખવા,અણ વખત વહેલી આવજે…..(5)
MATAJI NI STUTI,GUJARATI BHAJAN,SANTVANI DHAM