EVO KALIYUG AVYO KUDO… –  SANTVANI BHAJAN

---

એવો કળિયુગ આવ્યો કૂડો રે……

રચનાઃ દાસ ધીરો ભગત

---

CLICK TODOWNLOAD MP3

---

એવો કળિયુગ આવ્યો કૂડો રે,

દુનિયામાંથી દયા છે ઘટી,

એવા મોટા મોટા મહાજન રે,

લખપતી  લોભી રે થયા…એવો કળિયુગ (1)

---

 ધરતી માંથી ઘર્મ ગયું,વધ્યું પાપનું પુર,

પરજન તો પાગડા થયા,મેદની થઇ ચકચૂર,

એવો ધરતીએ રસ ચોર્યો રે,

વાવ્યા કણકણસી ગયા…એવો કળિયુગ (2)

---

 પૃથ્વી માથે પાખંડ પૂજાશે,વિપ્ર કરશે વેપાર,

સંન્યાસી ધન સંચરવા લાગ્યા, નહિ મળે પતિવ્રતા નાર,

એવું સંત ન મળે શોધ્યું રે,

અસંતનાં તો આંધા વળ્યા…એવો કળિયુગ (3)

---

સૂરાનું સૂરાતન ગયુ,સતિનું ગયું સત,

વેદી ભેદીને પંડીત પુરાણી,સૌની મટી ગઇ મત,

એવું કળિયુગનું કારણ રે,

લોભે જન લાગી રયા…એવો કળિયુગ (4)

---

છત્રપતિ તો  વચન ચુક્યા,આ દુઃખ કોને કહેવાય,

કથા તો કુપાત્રની સુણસે,પ્રશ્ન ગરોળાને પૂછાય,

એવો દાસ ધીરો કહે છે રે,

અજ્ઞાની નર અંધા રે થયા….એવો કળિયુગ (5)

---