HETHA UTARI NE PAY – GUJARATI DESHI BHAJAN
હેઠા ઊતરીને પાય લાગ્યા-ભજન સંતવાણી
રચનાઃ પાનબાઇ
હેઠા ઊતરીને પાય લાગ્યા ને ઘણો છે એનો ઉપકાર,
અમાપક બુદ્ધિ થઈ ગઈ છે મારી, ને લાગ્યો અકર્તા પુરુષમાં તાર…… ટેક
અખંડ અમર અવિનાશી ભાળ્યા, ને વસ્તુ છે અગમ અપાર,
દયા કરીને મુજને દર્શાવ્યા, ને અનામ એક નિરધાર….. હેઠા ઊતરીને…
સમજીને વાસના સમાઈ ગઈ, ને અનુપમ છે એક રૂપ,
આતમને ભિન્ન નવ જાણો, ને એ તો છે શુદ્ધ નિરંજન ભૂપ….હેઠા ઊતરીને….
સરવેની સાથે મિત્રતા રાખજો, ને નહીં પ્રીત નહિ વેર,
ગંગા રે સતી પ્રતાપે પાનબાઈ બોલિયા, એવું સમજીને કરવી લેર…. હેઠા ઊતરીને…..