JUNA DHARAM LYO JANI – SANTVANI BHAJAN LYRICS

---

જુના ધરમ લ્યો જાણી- ભજન સંતવાણી

રચનાઃગણપત દાસ

---

CLICK TO DOWNLOAD MP3

---

જુનો ધરમ લ્યો જાણી મારા સંતો,

જુનો ધરમ લ્યો જાણી….. ટેક

---

નદી કિનારે કોઈ નર ઊભો, તૃષ્ણા નહીં છિપાણી,

કા તો એનું અંગ આળસુ, કા સરિતા સુકાણી…. મારા સંતો જુનો ધરમ….

---

કલ્પતરુ તળે કોઈ જન બેઠો, સુધા ખૂબ પીડાણી,

નહિ કલ્પતરુ નક્કી બાવળિયો, કાં ભાગ્યરેખા ભેળાણી…. મારા સંતો જુનો ધરમ….

---

સદગુરુ સેવ્યે શિષ્ય ન સુધર્યો,વિમળ થઈ નહીં વાણી,

કાં તો ગુરુ જ્ઞાન વિનાના,કાં તો એ પાપી પ્રાણી…… મારા સંતો જુનો ધરમ…..

---

ભક્તિ કરતાં ભય દુઃખ આવે, ધીરજ નહીં ધરાણી,

કા સમજણ તો રહી ગઈ છેટે,કા નહીં નામ નીર્વાણી….. મારા સંતો જુનો ધરમ….

---

ચિંતામણી ચેત્યો નહીં, મળી ચિંતા નવ ઓલાણી,

નહિ ચિંતામણી નક્કી એ પથ્થરા, વસ્તુ ન ઓળખાણી…… મારા સંતો જુનો ધરમ…..

---

મળ્યુ ધન તોય મોજ ન માણી, કહું કરમની કહાણી,

કાં તો ભાગ્ય બીજાનુ ભળીયુ, કા તો ખોટી કમાણી….મારા સંતો જુનો ધરમ…

---

અમૃત મળ્યું પણ અમર થયો નહીં, પીવાની જુગતી ન જાણી,

કાંતો ઘટમાં ગયું નહીં, ને કા પીવામાં આવ્ પાણી…. મારા સંતો જુનો ધરમ….

---

ધર્મ કર્મ ને ભક્તિ, જાણે ભેદ વિના ધૂળ ધાણી,

કહે ‘ગણપત’ સમજી લ્યો સંતો, પૂરી પ્રીત સમાણી….. મારા સંતો જુનો ધરમ….

---

SANTVANI DHAM ,BHAJAN LYRICS IN GUJARATI

JAG MA ENU NAM FAKIR-જગમાં એનું નામ ફકીર

---