MA BAP NE BHULASHO NAHI – આ ભજન એટલે માતૃ-પિતૃ વંદના – પરમ પુજ્ય પુનિત મહારાજ દ્વારા લખાયેલું આ ભજન સંપુર્ણપણે મા બાપને સમર્પિત છે.મા બાપનું આપણાં જીવનમાં કેટલું મહત્વ છે અને તેમનાં થકી આપણું જીવન છે ત્યારે હંમેશા આ પૃથ્વી પરનાં સૌપ્રથમ કોઇ આપણાં માટે ભગવાન હોય તો તે મા-બાપ છે.મા -બાપે આપણાં માટે જીવનમાં જે કર્યું છે તેનાં થકી આપણે તેમને ક્યારેય ભુલવા જોઇએ નહી.
ભુલો ભલે બીજુ બધું,મા-બાપને ભુલશો નહી,
અગણીત છે ઉપકાર એના, એ કદી વિસરશો નહીં,
પથ્થર પુજ્યા પૃથ્વી તણાં, ત્યારે દીઠું તમ મુખડું,
એ પુનિત જનનાં કાળજા,પથ્થર બની છુંદશો નહીં
કાઢી મુખેથી કોળીયા,મોં માં દઇ મોટા કર્યા,
અમૃત તણા દેનાર સામે,કદી ઝેર ઉછાળશો નહી.
હેતે લડાવ્યા લાડ તમને,કોડ સૌ પુરા કર્યા,
એ કોડના પુરનારનાં, કોડ પુરવા ભુલશો નહીં.
લાખો કમાતા હો ભલે,પણ મા બાપ જેથી ના ઠર્યા,
એ લાખ નહીં પણ રાખ છે, એ માનવું ભુલશો નહીં.
સંતાનથી સેવા ચાહો ,તો સંતાન છો સેવા કરો,
જેવું કરો તેવું ભરે,એ ભાવના ભુલશો નહી.
ભીને સૂઇ પોતે અને, સુકે સુવાડ્યા આપને,
એની અમીમય આંખને, આંસુથી ભીંજવશો નહીં.
પુષ્પો બીછાવ્યા પ્રેમથી,જેણે તમારા રાહમાં,
એ રાહબરના રાહ પર,કંટક કદી બનશો નહી.
ધન ખર્ચતાં મળશે બધું, પણ માતા પિતા મળશે નહી.
એનાં પુનિત ચરણો તે, ચાહન કદી ભુલશો નહી…
આ ભજનને અંહીથી ડાઉનલૉડ કરો…
BANA NI PAT RAKH – બાનાની પત રાખ
કાનુડો શું જાણે મારી પ્રીત - મીરાબાઇનું ભજન કાનુડો શું જાણે મારી પ્રીત, બાયું અમે…
આપણાં પિયુજી કેરો દેશ - AAPANA PIYUJI KERO DESH આપણાં પિયુજી કેરો દેશ હેલી રે…
શ્રી રામચંદ્ર કૃપાલુ ભજમન - SHREE RAMCHANDRA KRUPALU BHAJA શ્રી રામચંદ્ર કૃપાલુ ભજમન, હરણ ભવભય…
કાયા તો ધૂતારાનાં શહેર છે - KAYA TO DHUTARO NA કાયા તો ધૂતારાનાં શહેર છે…
આશિક જો મસ્ત ફકીરી કે - ગુજરાતી ભજન આશિક જો મસ્ત ફકીરી કે દુનિયા સે…
અલખ મીલન કે કાજ - ભજન અલખ મીલન કે કાજ ફકીરી, લેકે ફિરું મૈં જંગલ…