MADHULI KAMANGARI BAVLIYA NI… – SANTVANI BHAJAN
મઢુલી કામણગારી બાવલિયાની …. જુનવાણી ભજન
રચનાઃ રઘુરામદાસ
મઢુલી કામણગારી બાવલિયાની મઢુલી કામણગારી,
બગદાણે સંત બિરાજે મઢુલી કામણગારી…..ટેક
ધનનાં ભુખ્યા અન્નનાં ભુખ્યા,
આવે નરને નારી,
ત્યાંથી કોઇ પાછા ન જાવે,
એવી અલખ છે દાતારી ….મઢુલી કામણગારી (1)
રાજા રંક ફકિર યા સાધુ,
એને સૌને સરખા ધારી,
માંગે એને એવું આપે,
એવી કુશળ છે દાતારી…..મઢુલી કામણગારી (2)
આવી અદભુત લીલા તમારી,
એની શોભા બની ગઇ બહુ સારી,
અખુટ સિદ્ધી નવનિધિ,
દાસી બની ગઇ તમારી…..મઢુલી કામણગારી (3)
નિત નિત નવલા આનંદ ઉત્સવ,
આવી અલખ તણી દરબારી,
કહે રઘુ અમને કાયમ મળજો,
દેવ પુરૂષ અવતારી….મઢુલી કામણગારી…(4)
મઢુલી કામણગારી બાવલિયાની મઢુલી કામણગારી,
બગદાણે સંત બિરાજે મઢુલી કામણગારી….