MANAV NADE CHHE – માનવ નડે છે માનવીને

MANAV NADE CHHE MANAVI NE ….. ગુજરાતી ગઝલ ગીત

માનવ નડે છે માનવીને …. GUJARATI GAZAL LYRICS -MANAV NADE CHHE

રચનાઃ આપાભાઇ ગઢવી (કવિ આપ)

અંહિથીં આ ગઝલ સાંભળો….

સ્વરઃ નારાયણ સ્વામી

ગઝલની લંબાઇઃ 12.40 મિનિટ

MANAV NADE –માનવ નડે છે માનવીને મોટો – આ ગઝલ કવિ આપ દ્વારા રચાયેલી છે,જેમાં માનવ જેમ જેમ વિકાસ કરે છે તેમ તેમ તેની માનસિકતા બદલાતી જાય છે.માનવ જેમ મોટો બનતો જાય તેમ તે બીજાને હમેંશા નડતરરૂપ બનતો જાય છે.એટલે કે આ સમગ્ર ગઝલ માનવ પ્રકૃતિની પ્રતિછબીને આપણી સામે મુકવાનું કામ કરે છે.

માનવ નડે છે માનવીને મોટો થયા પછી,

ચાવી મળે છે ગુનાઓની જ્ઞાની થયા પછી …. ટેક

માતપિતાની ગોદમાં મમતા હતી ઘણી,

બદલી ગયો છે પરણીને યૌવન મળ્યા પછી ….. માનવ નડે છે ….

પ્રગતિ જીવનની કરવા ભણતર ભણી ગયો,

પડતી હવે તેં નોતરી અનુભવ મળ્યા પછી …. માનવ નડે છે …

ગાતો હતો તું ગીત જે કાયમ પ્રભુ તણાં,

ભુલી ગયો એ ભાવના પૈસો મળ્યા પછી …. માનવ નડે છે ….

નમતો હતો તું સર્વને નિર્ધનપણાં મંહીં,

ઝઘડ્યાં કરે સર્વથી પ્રભુ કૃપા મળ્યા પછી ….. માનવ નડે છે …

હું પણ પ્રભુ બની પુજાઉં છું ઘણે,

આપ કહે છે આપની સિદ્ધિ મળ્યા પછી …. માનવ નડે છે ….