NATHI RE PIDHA ANJANI… –  MIRABAI BHAJAN LYRICS

---

નથી રે પીધાં અણજાણી….. પ્રાચીન ભજન

રચનાઃ મીરાબાઇ

---

---

નથી રે પીધાં અણજાણી, 

મેવાડના રાણા,ઝેર તો પીધા જાણી જાણી…ટેક

---

 કોયલને કાગ રાણા, એક જ વરણાં,

કડવી લાગે કાગવાણી….મેવાડના રાણા..(1)

---

 ઝેર કટોરા જ્યારે રાણાજી મોકલે,

તેના બનાવ્યા દુધ પાણી…મેવાડના રાણા..(2)

---

 રીસ કરીને રાણો ત્રાસ ગુજારે,

ક્રોધ રૂપે દર્શાણી….મેવાડનાં રાણા…(3)

---

 સાધુનો સંગ મીરા છોડી દિયો,

તમને બનાવું રાજરાણી….મેવાડનાં રાણા ..(4)

---

 સાધુડાનો સંગ રાણા નહિં છુટે અમથો,

જનમોજનમની બંધાણી…મેવાડનાં રાણા…(5)

---

 સંતો છે માત રાણા,સંતો પિતા મારા,

સંતોની સંગે હું લોભાણી…..મેવાડનાં રાણા …(6)

---

 બાઇ મીરાં કહે પ્રભુ હિરીધર નાગર,

તમને ભજીને હું વેચાણી…..મેવાડનાં રાણા…(7)

---

 નથી રે પીધાં અણજાણી, 

મેવાડના રાણા,ઝેર તો પીધા જાણી જાણી.

---

વિના વિચાર સકલ જગ ભુલે – ભજન ગુજરાતી

---

SANTVANI DHAM,BHAJAN GUJARATI

---