PRITAM VAR NI CHUNDADI – ગુજરાતી ભજન

પ્રીતમ વરની ચુંદડી -SANTVANI BHAJAN -PRITAM VAR NI

રચનાઃ મુળદાસજી

---

PRITAM VAR NI – પ્રીતમ વરની ચુંડડી – આ ભજન ભક્ત કૃતિ કવિ મુળદાસજી લુહાર દ્વારા રચવામાં આવી છે.જેમાં એક ભક્ત કે જે ભગવાનનાં નામની ભક્તિ રૂપી ચુંદડી ઓઢે છે,ત્યારે તે કંઇક દુનિયાથી અલગ જ લાગે છે ,એટલું જ નહી આ ચુંદડી પણ એક અલભ્ય છે.જેમાં ભક્ત પ્રભુ ભક્તિમાં ઓતપ્રોત બની જાય છે.

---

આ ભજનને સાંભળવા  અંહીં ક્લિક કરો…

સ્વરઃ નારાયણ સ્વામી

---

પ્રીતમ વરની ચુંદડી રે,

મહાસંત ઓઢવાને મળિયા,

જે રે ઓઢે તે અમર રહેવે,

અકળ કળામાં જઇ ભળિયા ….ટેક

---

ધરમના ધોરી લઇ ,

હરિનામ હળ તો જોતરીયાં,

ધીરજની ધરતી ખેડીયું રે,

રાણું પાડે રાંપડીયું … પ્રીતમ વરની ….

---

પવન લ્વરૂપી મેહુલા ઊઠિયા,

વરસે વૈરાગ્યની વાદળિયું,

ગગન ગરજેને ઘોરૂ દિયે,

સોઇ દસ ચમકે વિજળીયું ….. પ્રિતમ વરની ….

---

વિચાર કરી વણ વાવ્યું,

મન તો મુનિવરનું ઘળિયું,

આનંદ લ્વરૂપે ઉગી રયું,

ફાલ ફુલડુે બહુ ફળીયું …. પ્રિતમ વરની ….

---

વિવેકથી વણ વીણીયું,

સીતારામ ચરખે ચડીયું,

કુબુદ્ધિ કપાસીયા કોરે,

કરી પ્રેમની પુણી વણીયું …. પ્રીતમ વરની ….

---

નિર્મળ નિર્મળ કાંત્યું,

સુરતા તાણે તણીયું,

તુરીયા તીતનું પણ લીધું,

મુરતાની નળીયું ભરીયું … પ્રિતમ વરની ….

---

સોમેરી સદગુરૂ નામની,

સતને સણકે ચડીયું,

નામને ધ્યાનના ઘુંઠા ભર્યા,

વણનાર વેધુ બહુ બળીયા … પ્રીતમ વરની …

---

સોય લીધી ગુરૂગમ તણી,

દશનામ દોરો ભરીયા,

સમદ્રષ્ટ્રીથી ખીલી ચુંદડી,

નિત રંગ સવાયો ચડીયો …. પ્રીતમ વરની ….

---

મનનો માંડવો નાખ્યો,

ગુણ તો ગાયે સાહેલીયું,

માયાનો માણેક સેથંભ રોપીયો,

ખમૈયાની ખારેકું વેચાણીયું …. પ્રીતમ વરની …

---

શિવને બ્રહ્મા સોંઢ્યા જાનમાં,

સૂરતા સ્મૃતિ જાનડીયું,

ગમના ગણેશ બેસાડીયા,

સાબદી થઇ હવે સાહેલીયું …. પ્રીતમ વરની …..

---

ઘૂંસર મૂસર રવૈયો સાગ,

સળિયો ને તિરયો,

પ્રપંચના કીધા પીંડીંયા,

સૂક્ષ્મણાં પોંખે શામળીયો … પ્રિતમ વરની …..

---

ગુરૂદેવ દીધા કન્યાદાનમાં,

ભક્તિ મુક્તિ ગાવડીયું,

પરણાવ્યા પરિબ્રહ્મને નારદે,

વીણા લઇને વળીયા …. પ્રીતમ વરની ….

---

હરદમ રથ લઇ જોડીયા ઇ,

રથ અહોર્નિશ ચડીયા,

ગુરૂ પ્રતાપે મૂળદાસ બોલિયા,

હવે રથ વૈકુંઠ વળીયા …. પ્રીતમ વરની ….

---

આ ભજનને અંહીંથી ડાઉનલૉડ કરો.

MP3 FILE: 23.4 MB

CLICK HERE TO DOWNLOAD

---

SANTVANI BHAJAN GUJARATI,BHAJAN LYRICS IN GUJARATI

શીબી રાજાનું ભજન -SHIBI RAJA NU BHAJAN

---