RAM NI AJAB RACHANA RE…. GUJARATI BHAJAN PDF
સંતવાણી ભજન-ગુજરાતી ભજન-રામની અજબ રચના રે…..
રચના – કવિ શ્રી કાગ બાપુ
CLICK TO DOWNLOAD MP3 FILE
રામની અજબ રચના રે,
એનો પાર મનુષ્ય ન પાવે,
પાર મનુષ્ય ન પાવે ભલે ને,
ઊંચા વિમાન ઉડાવે….રામની અજબ (1)
સુખ ભોગવવા કરે કમાણી ,
લક્ષ્મી ઢસડીને લાવે,
સુખ ભોગવવાનું ટાણું આવે ત્યારે,
જમનું તેડું આવે ….રામની અજબ (2)
જોષીડો બીજાનાં જોષ જુએ ને,
ધનનો જોગ બતાવે,
બીજાને લક્ષ્મીપતિ બનાવે,
એને દોકડો હાથ ન આવે…રામની અજબ (3)
ભુવો ધુણી ધુણીને માંદો પડે ત્યારે,
બીજા ભુવાને બોલાવે,
તપ તપે ત્યારે વૈદ બોલાવે,
ઓસડિયા યાદ ન આવે….રામ રસ (4)
ગેલી માયામાં મુરખો ગેલો બને ને,
ગાંઠના ગરથ ગુમાવે,
દેવી દેવતા પીર પેગમ્બર,
આવરદા ન અપાવે…..રામ રસ (5)
રામ ભજી લે કામ કરી લે,
જીવડાં હર દમ તેડાં આવે,
“કાગ” કહે જીવડો ચડશે,
વમને લખ ચોર્યાસી ભમાવે…રામ રસ (6)
રામની અજબ રચના રે,
એનો પાર મનુષ્ય ન પાવે,
પાર મનુષ્ય ન પાવે ભલે ને,
ઊંચા વિમાન ઉડાવે….રામની અજબ
સંતવાણી ભજનો,ભજન ગીત ગુજરાતી,SANTVANI DHAM,SANTVANI BHAJAN,SANTVANI BHAJAN GUJARATI