એ રામ રાખે એમ રહેવું દુનિયામાં – ગુજરાતી ભજન ગીત

---

RAM RAKHE EM RAHEVU-GUJARATI BHAJAN LYRICS

---

 

---

.રામ રાખે એમ રહેવું દુનિયામાં,

કોઇને કાંય ન કહેવું,

દુનિયામાં રામ રાખે એમ રહેવું…ટેક

---

 પ્રભુ ભજિયા એને પ્રથમ પડીયું,

અનઘડ સંકટ એવું,

મોરધ્વજ માથે કરવત માંડી,

અંગડું અડધું વેચ્યું…દુનિયામાં રામ….(1)

---

 ક્રોધ કરી એક દી હરણાકંસ કોપ્યો,

નામ ન રામનું લેવું,

મારવો પુત્રને ત્યાં પોતે મરી ગયો,

કારણ બન્યું જુવો કેવું….દુનિયામાં રામ ….(2)

---

 એકલી હાથે કાંઘે ઉપાડી,

કોણ આવે કોને કેવું,

તારાદે પાસે તેદી ત્રાંબીયું મળે નહીં,

એને દાણ મસાણનું દેવું….દુનિયામાં રામ….(3)

---

 અજ્ઞાન કેરી હોય આંટી અંતરમાં તો,

ત્યજી દેવી એવી કુટેવું,

 નાગ કહે નારાયણ પ્રતાપે,

સુખ દુઃખ બંને સહેવું….દુનિયામાં રામ….(4)

---

 રામ રાખે એમ રહેવું દુનિયામાં,