SACHA RE SANTO NI MATHE – ગુજરાતી સંતવાણી ભજન

સાચા રે સંતોની માથે -SANTVANI BHAJAN -SACHA RE SANTO NI

રચનાઃ દાસી ઝબુ

---

આ ભજનને અંહિથી સાંભળો.

સ્વરઃ બિરજુ બારોટ

ભજનની લંબાઇઃ 10.51 મિનિટ

---

SACHA RE SANTO NI – આ ભજન ભક્ત કવિયત્રી દાસી ઝબુ દ્વારા લખવામાં આવેલું છે.જેમાં તેમણે સંત કેવા હોય તેનાં વિશે વાત કરી છે.સાચા સંતમાં કેવા કેવા લક્ષણો હોય છે તેને નિરૂપતા દાસી ઝબુએ આ ભજન રચ્યું છે.જેમાં હમેશા ભક્તિ ભારો ભાર સમાયેલી,તે કોઇની નિંદા ન કરે,પોતાનો દોષ ક્યારેય બીજાથી છુપાવે નહી.વળી જ્યારે પણ ધર્મ માટે કંઇ કરવાનું હોય તો સાચા સંતો પાછી પાની કરતાં નથી.તેવા સંતોને નિરખતા આપણાં હ્રદયને શાંતિ મળે છે.

---

એવા સાચા રે સંતોની માથે,

ભક્તિ કેરા મોડ ….ટેક

---

નિરખતા નૈના હરખે,

મટી જાય મનની દોડા દોડ,

નિર્મળ મનથી નિરખીને જોયું,

કંઇ ખોટી મળે નહીં ખોટ ….એવા સાચા રે ….

---

નિંદા પરાઇ નઠારી લાગે,

સમરે શ્રી રણછોડ,

એવા હરીજન અલખને પ્યારા,

જેની માથે ભક્તિના મોડ …. એવા સાચા રે …..

---

દોષ પોતાનો પ્રગટ કરીને,

કરે હાથોની જોડ,

દગોને પ્રપંચ દિલમાં ન રાખે,

ભલે ગુના હોય લાખને કરોડ …. એવા સાચા રે ….

---

ધર્મની સાટે ધરવું હોય માથુ,

તે દિ આવે દોડા દોડ,

આવા હરિજન અવનીમાં ઓછા,

બીજા લાખને કરોડ … એવા સાચા રે …..

---

જુગ જુગ જોડી અમર રાખો,

સાહેબ કાંડું નવ છોડ,

ભેળી સમાધિ ભજન તમારું,

કિરતાર પુરજો કોડ …. એવા સાચા રે ….

---

દાસી ઝબુ પીર રામાની દરગાહમાં,

કરે હાથોની જોડ ,

ભવબંધનથી છોડાવો ગુરૂજી,

કીરતાર કાંડું ન છોડ …. એવા સાચા રે  ….

---

આ ભજનને અંહિથી ડાઉનલૉડ કરો…

MP3 FILE : 4.87 MB

CLICK HERE TO DOWNLOAD

---

SANTVANI DHAM ,SANTVANI BHAJAN ,BHAJAN LYRICS IN GUJARATI

સદાશિવ સર્વ વરદાતા-SADASHIV SARVAVAR DATA

---