SANTVANI SAKHI
SAKHI:36
BHAJAN SAKHII LYRICS
ગુજરાતી સાખીઓ
સંતવાણીમાં ગવાતી સાખીઓ
બની શકે તો કહું છું…
બની શકે તો કહું છું બંદા,દિલ જો કાંઇ દાજે,
મુઆ પછી તને યાદ કરે એવું,જીવતર જીવી જાજે.
ઊંચ નીચના ભેદ ભુલીને,ઝુપડીઓમાં જાજે,
ભુખ્યા તારા ભાંડુડાને,ખવરાવીને ખાજે.
રામ પ્રભુની આ ફુલવાડીમાં,આગ બલે છે આજે,
એ કરમાતા રોપાને કોક દી,પાણી એક લોટો પાજે.
ભવસાગરમાં ભુલ્યા ભટક્યાને,હોય જો વહાણ કુવાટે,
એ બુડતાઓની બેલપ કરવા,તરાપો તું થઇ જાજે.
સોડમદાર તુજ કુળ છે,પાન મધુરા પાજે,
બળતાં તારી મહેક જગમાં,સદા તું મુકતો જાજે.
દગાબાજને અમૃત દેજે,ઝહેર તું પીતો જાજે,
વેર તણો બદલો ભુલીને,ગીત મિત્ર થઇ ગાજે.
SANTVANI DHAM,SAKHI,ગુજરાતી ભજન સાખીઓ,સંતવાણી ધામ સાખી