Santvani Desi Bhajan -BEST BHAJAN SANTVANI

---

જ્ઞાની ગુરુ મળ્યા રે -ગુજરાતી પ્રાચીન ભજન

રચનાઃ દાસ સત્તાર

---

જ્ઞાની ગુરુ મળ્યા રે ગોળી મારી જ્ઞાન તણી,

કંચન કાયા કીધી રે ગુરુ તો મારા પારસમણી…. ટેક

---

હું તો જન્મની આંધળી, મને ગુરુ એ આપી આંખ,

ગુરુચરણ નું અંજન આંજ્યું, મટી ગઈ સહુ ઝાંખ

આંખો ખોલી જોયું રે, ઘટ ઘટ બેઠો અલખધણી…… જ્ઞાની ગુરુ….

---

ગુરુના ગુણ ને શું ગાવું, એ ગુણનો ન આવે પાર,

ગુરુ તો મારા આંખની જ્યોત, ગુરુ હૃદયના હાર,

ગુરુ દયાળુ દેવા રે, ગુરુ કૃપા તો ઘણી ઘણી…… જ્ઞાની ગુરુ

---

તન મન ગુરુને અર્પણ, હું તો ગુરુની દાસ,

ગુરુ ગરીબ નવાજ, પૂરે ગરીબોની આશ,

ગુરુ ચરણ માં રહેવું રે, ગુરુ તો મારા ધિગા ધણી…… જ્ઞાની ગુરુ

---

ગુરુના દર્શન કરતાં નિશદિન,અડસઠ તીરથ થાય,

દાસ ‘સતાર’ સેવા કરતાં, હૈયે હરખ ન માય,

ગુરુ અમારા પ્રેમી રે પીધી પ્યાલી પ્રેમ તણી…… જ્ઞાની ગુરુ

---

Superhit Gujarati Bhajan, gujarati santvani lyrics,દેસી ભજનો

AB TO BUDHAPAN AYO – SANTVANI BHAJAN

---