SAVARA RE MANDAP MA MARO -GUJARATI JUNA BHAJAN

સવરા રે મંડપમાં મારો સાયબો – દેશી ભજન -SAVARA RE MANDAP MA MARO

રચનાઃ શીલદાસ

---

---

SAVARA RE MANDAP MA MARO – અંહિ સંત કવિએ બે શબ્દો પર ભાર મુક્યો છે એક મંડપ અને બીજો સાયબો.જેમાં મંડપ એ આપણું શરીર કે દેહ કહ્યો છે,જ્યારે સાયબો એટલે આપણો આતમ.અંહિ મળેલ જન્મારાને સુધારવાની વાત શીલદાસ દ્વારા કરવામાં આવી છે.પોતાનાં જીવનને સુધારવા ભજન – ભક્તિ કરવી અને સતત શ્રી હરીનાં સાનિધ્ય રહિને પોતાનાં કાયા રૂપી મંડપને શણગારવો કે ઉજ્જવળ બનાવવાની વાત કરી છે.

---

એ જી રે વીરા રે સવરા રે મંડપમાં મારો સાયબો બિરાજે,

આવો આવોને મુનિવર આપણે મળિએ જી રે હાં …… ટેક

---

એ જી રે વીરા મન કરમ વચને માન મેલીને,

આપણે ગત રે ગંગામાં જઇને ભળીએ રે હાં ….. એ જી રે વીરા…. (1)

---

એ જી રે વીરા સંતો મુક્તિનો મારગ તો મોટા જન જાણે,

એ તો પરમારથના પુરા રે હાં …. એ જી રે વીરા….. (2)

---

એ જી રે વીરા ઓથે રે આવે રે આવે એને અભેદાન આપે,

એ તો સત રે ધરમના શુરા રે હાં …. એ જી રે વીરા …. (3)

---

એ જી રે વીરા નકલંક રૂપી નામ ગુરૂજીનાં,

એ તો આગમ તણી ગમ આપે હાં રે …. એ જી રે વીરા….. (4)

---

એ જી રે વીરા કરીને કોડ જનમનાં,

એવા બંધ કે કર્મના કાપે રે હાં ….. એ જી રે વીરા ….. (5)

---

એ જી રે વીરા સવરા મંડપના ચરણામૃતને,

કંઇક મહેશ્વર જેવા જાણે રે હાં ….. એ જી રે વીરા …. (6)

---

એ જી રે વીરા પાર્વતીની પાસે ઇશ્વર બોલ્યાં,

એના વારે વારે વખાણે રે હાં ….. એ જી રે વીરા ….. (7)

---

એ જી રે વીરા સાત સાત સાયરને અઠસઠ તીરથ,

એક બીજ રે બરાબર નાવે રે હાં ….. એ જી વીરા ….. (8)

---

એ જી વીરા પ્રથમ પાર્વતી શિવજીને પુછે,

તેનું અચરજ અમને આવે રે હાં ….. એ જી રે વીરા ….. (9)

---

એ જી રે વીરા અનભે દાતાને અનભે ભક્તિ,

એવા અનભે અલખને આરાધે રે …. એ જી રે વીરા ….. (10)

---

એ જી રે વીરા શીલદાસ કહે સવરા મંડપમાં,

તમે લક્ષ રે અલખનો લીધો રે હાં ….. એ જી રે વીરા ….. (11)

---

 

---

ગુજરાતી ભજન ગીત,ગુજરાતી દેશી ભજનો,SANTVANI DHAM , GUJARATI DESHI BHAJAN

સોનલા વાટકડી ને -SONALA VATAKADI NE

---