VAN VAGADA NA VANAZARA – SUPER HIT BHAJAN
વન વગડાંના વણઝારા – દેશી સંતવાણી ભજન
રચનાઃ અનામી
વન વગડાના વણઝારા,
મારગ બતાવે તને ગગનના તારા,
કાળી રાતનો માથે માંડવો,
મારગ છે નોધારા…. ટેક
કંટક કેડી ખેડી તારે જાવું દૂરને દેશ,
જડે નહીં તને જરીએ વિસામો વિખરાયેલો વેશ,
તારી ખેપમાં તે બાંધ્યા તા પાપ પુણ્યના ભારા….. વન વગડાના…..
તારા પગ થી ફૂલને પત્થર ઠેલે ઠેલા ખાય,
સુખદુઃખની ઇ અમથાં ઓળા આવે તેવા જાય,
તરસ્યા તન-મન મૃગજળ દેખી અંગે બળે છે અંગારા…. વન વગડાના….
કુડી કાયા ઉપર જુઓને જામે ધૂળનો ગોટો,
કંઈક પરબના પાણી પીતો ફૂટી જતો પરપોટો,
કયે આયખે આભ ફાટતું વહેતી નિર્મળ ધારા…. વન વગડાના….
તારે મારગે મળે નહીં ભોમિયો ભૂલી જાય પગથાર,
તારે માથે તે ધર્યો આ જીવનભરનો ભાર,
એ આવ્યો ધરતીનો છેડો તને કોણ કરે અણસારા….. વન વગડાના….