કાળ કરમ અને સ્વભાવ જીતવો – ભજન સંતવાણી
KAL KARAM ANE SVABHAV JITAVO – SANTVANI SONG
રચનાઃ ગંગા સતી
કાળ કરમ અને સ્વભાવ જીતવો,
રાખવો નહીં અંતરમાં ક્રોધ,
સમાન પણે સર્વમાં વરતવું ને,
ટાળવો મનનો વિરોધ… ટેક.
નિર્મળ થઈને કાળને જીતવો,
એમ રાખવો અંતરમાં વૈરાગ,
જગતના વૈભવને મિથ્યા જાણવો,
ટાળી દેવો દુબજાનો દાગ…કાળ કરમ અને…
આ લોક પરલોકની આશાઓ તજવી,
રાખવું અભ્યાસમાં ધ્યાન,
તરણાં સમાન સિદ્ધિઓ જાણવી,
મેલવું અંતરનું માન…કાળ કરમ અને…
ગુરૂમુખી હોય તેણે એમ જ રહેવું,
અને વરતવું વચનની માંય,
ગંગાસતી એમ જ બોલીયા ને,
એને નહીં જડે જગતમાં કાંય…કાળ કરમ અને…