કોઈને આપી નિરધનતા – દેશી ગુજરાતી સંતવાણી
KOI NE AAPI NIRDHANATA – BEST GUJARATI BHAJAN LYRICS
કોઈને આપી નિરધનતા,
કોઈને દોલત શા માટે,
પ્રભુ તારા ઘડેલા આ માનવમાં
આવા તફાવત શા માટે… ટેક.
પાપીઓ જગતમાં એશ કરે છે,
એ સમજાતો નથી ભેદ મને,
તારા નામની માળા જપનારા,
વેઠે છે મુસીબત શા માટે…પ્રભુ તારા…
રહેમતની વર્ષાઓ વરસે છે,
મહેલોના રહેનારા પર,
વીજળી પડી જો નિરધન પર,
નિરધનથી અદાવત શા માટે…પ્રભુ તારા…
આ ભેદ નથી સમજાતો,
એ ભેદ કહીને સમજાવો,
નાદાન કહે છે ઈશ્વરને,
શિકવા ને શિકાયત શા માટે…પ્રભુ તારા…
કળા અપરંપાર – દેશી ભજન
BEST GUJARATI BHAJAN BOOK