કોણ રે સમાના કામિની – સંતવાણી ધામ
એજી કોણ રે સમાના કામિની દત્ત ફળિયેલ રામા,
દ્રોપદીની લજ્જા રાખવા હરી ઉભા છે સામા …. ટેક
એ જી વાલોજી ગ્યાતા રે વાડીએ સર્વ સાહેલીઓની સાથે,
શેરડીનો સાંઠો છોલતાં પારી બેઠી હરીને હાથે ….. એ જી કોણ રે …. (1)
એ જી માનેતી પધાર્યા મહેલમાં કટકા ચીંથરાની કાજે,
ત્યાં તો દ્રોપદીએ ચીર વધેરીયા પાટો બાંધ્યો હરીને હાથે ….. એ જી કોણ રે …. (2)
એ જી ત્રિકમ ગણ્યા એના ત્રાગડા લેખી ને રાખ્યાં હરીયે પાસે,
નવસો નવ્વાણું ચીર પુરયા સઘળી સભા જેમ દેખે ….. એ જી કોણ રે …. (3)
એવા ગરુડે ચડીને ગોવિંદ આવ્યાં,આવ્યા મારા અંતરયામી,
ભક્તોના દુઃખ કાપ્યા મહેતા નરસિંહના સ્વામિ …. એ જી કોણ રે …. (4)