જિંદગીમાં કેટલું કમાણા – અણમોલ સત્સંગ કિર્તન
ZINDAGI MA KETALU KAMANA – GUJARATI KIRTAN LYRICS
રચનાઃ ગોવિંદ ભગત રામાયણી
જિંદગીમાં કેટલું કમાણા, જરા સરવાળો માંડજો,
સમજુ સજ્જન તમે શાણા, જરા સરવાળો માંડજો …..ટેક
મોટર વસાવી તમે બંગલા બનાવ્યા,
ફુબ કીધાં એકઠાં નાણાં …. જરા સરવાળો …..
દેશ ફર્યાને તમે વિદેશ વિચર્યા,
ટેબલ પર ખુબ લીધા ખાણાં …. જરા સરવાળો ……
ડાયા થઇને તમે પંચમાં પુછાણાં,
મોટા મોટા થઇને મનાણાં …. જરા સરવાળો …..
ખાધું પીધુંને તમે મોજ ખુબ માણી,
તૃષ્ણાંના પુરમાં તણાણાં …..જરા સરવાળો ….
લાવ્યા’તા કેટલું લઇ જવું છે કેટલું,
આખીર તો લાકડાને છાણાં ….. જરા સરવળો …..
ગોવિંદના નાથને જાણ્યા ન જરીયે,
સરવાળે મીંડા મંડાણાં ….. જરા સરવાળો ……